ರಾಜ್ಯ

ಮಾವಿನ ಮರದಿಂದ ಬಿದ್ದು ಬಸವರಾಜ ವಡ್ಡರ್ ಸಾವನ್ನಪ್ಪಿದ ದುರ್ಘಟನೆ

News Details

ಕಾರವಾರದ ಶಿರವಾಡದಲ್ಲಿ ವಾಸವಾಗಿದ್ದ ಬಸವರಾಜ ವಡ್ಡರ್ (50) ಮಾವಿನ ಮರದಿಂದ ಬಿದ್ದು ಸಾವನಪ್ಪಿದ್ದಾರೆ.

ಹಳಿಯಾಳದ ಬಸವರಾಜ ವಡ್ಡರ್ ಕಾರವಾರದಲ್ಲಿ ವಾಸವಾಗಿದ್ದರು. ಗೌಂಡಿ ಕೆಲಸ ಮಾಡಿಕೊಂಡಿದ್ದ ಅವರು ಶಿರವಾಡದಲ್ಲಿ ಅವರು ಮನೆ ಮಾಡಿಕೊಂಡಿದ್ದರು. ಮನೆ ಹಿಂದೆ ಮಾವಿನ ಮರವಿತ್ತು. ಏಪ್ರಿಲ್ 13ರಂದು ಸರಾಯಿ ಕುಡಿದ ಅವರು ಮಾವಿನ ಮರ ಏರುವ ಪ್ರಯತ್ನ ಮಾಡಿದರು. 20 ಅಡಿ ಎತ್ತರದವರೆಗೂ ಏರಿ ಮಾವಿನ ಕಾಯಿ ಕೊಯ್ದರು.

ಆ ವೇಳೆ ಆಕಸ್ಮಿಕವಾಗಿ ಅವರ ಕಾಲು ಜಾರಿತು. ನೆಲಕ್ಕೆ ಬಿದ್ದ ಬಸವರಾಜ ವಡ್ಡರ್ ಅವರ ತಲೆ ಹಿಂದೆ ಭಾರೀ ಪ್ರಮಾಣದಲ್ಲಿ ಪೆಟ್ಟಾಯಿತು. ರಕ್ತ ಸುರಿಯುತ್ತಿರುವುದನ್ನು ನೋಡಿದ ಕುಟುಂಬದವರು ಸರ್ಕಾರಿ ಆಸ್ಪತ್ರೆಗೆ ಕರೆತಂದರು. ಆದರೆ, ಬಸವರಾಜ ವಡ್ಡರ್ ಅಷ್ಟರೊಳಗೆ ಕೊನೆ ಉಸಿರೆಳೆದಿದ್ದರು. ಹಳಿಯಾಳದ ಸಿದ್ದರಾಮೇಶ್ವರಗಲ್ಲಿಯಲ್ಲಿದ್ದ ಅವರ ಪುತ್ರ ಶ್ರೀಕಾಂತ ವಡ್ಡರ್ ಕಾರವಾರಕ್ಕೆ ಆಗಮಿಸಿ, ಪೊಲೀಸ್ ದೂರು ನೀಡಿದರು. ಅದಾದ ನಂತರ ಶವ ಪಡೆದರು.