ರಾಜ್ಯ

ಕಾರವಾರದ ಬರ್ಗಲ್ ಗ್ರಾಮದ ಗೌರೀಶ ಗುನಗಿ ಅರಣ್ಯದಲ್ಲಿ ಮೃತಸ್ಥಿತಿಯಲ್ಲಿ ಪತ್ತೆ

News Details

ಕಾರವಾರದ ಬರ್ಗಲ್ ಗ್ರಾಮದ ಗೌರೀಶ ಗುನಗಿ ಅರಣ್ಯದಲ್ಲಿ ಸಾವನಪ್ಪಿದ್ದಾರೆ.

36 ವರ್ಷದ ಗೌರೀಶ ಗುನಗಿ ಅವರು ಸಂಚಾರಿಯಾಗಿದ್ದರು.‌ ಒಂದು ಊರಿನಿಂದ‌ ಮತ್ತೊಂದು ಊರಿಗೆ ಹೋದರೆ 15-20 ದಿನವಾದರೂ ಬರುತ್ತಿರಲಿಲ್ಲ.‌ ಮದ್ಯ ಸೇವನೆಯ ಚಟವನ್ನು ಅಂಟಿಸಿಕೊಂಡಿದ್ದ ಅವರ ಬಗ್ಗೆ ಕುಟುಂಬದವರು ಹೆಚ್ಚಿಗೆ ತಲೆಕೆಡಿಸಿಕೊಂಡಿರಲಿಲ್ಲ.

ಈ‌ ನಡುವೆ ಗೌರೀಶ ಗುನಗಿ ಅವರಿಗೆ ಪಿಡ್ಸ‌ ರೋಗ ಕಾಣಿಸಿಕೊಂಡಿತ್ತು. ಎಪ್ರಿಲ್ 9ರಂದು ಅವರು ಬರ್ಗಲ್ ಗ್ರಾಮದ ಮನೆಗೆ ಭೇಟಿ ನೀಡಿದ್ದರು. ಏಪ್ರಿಲ್ 10ರ ಬೆಳಗ್ಗೆ 4 ಗಂಟೆಗೆ ಎದ್ದು ಮನೆಯಿಂದ ಹೊರಟಿದ್ದರು. ಅದಾದ ನಂತರ ಗೌರೀಶ ಗುನಗಿ ಅವರ ಬಗ್ಗೆ ಕುಟುಂಬದವರಿಗೂ ಯಾವುದೇ ಮಾಹಿತಿ ಇರಲಿಲ್ಲ.

ಮೊನ್ನೆ ಸಂಜೆ ಬರ್ಗಲ್‌ ಕವಲಮಕ್ಕಿ ಕೆರೆಯ ಬಳಿಯಿರುವ ಅರಣ್ಯದಲ್ಲಿ ಶವವೊಂದು‌ ಕೊಳೆತ ಸ್ಥಿತಿಯಲ್ಲಿ ಕಾಣಿಸಿತು. ಗೌರೀಶ ಗುನಗಿ ಕುಟುಂಬದವರನ್ನು ಪೊಲೀಸರು ಕರೆಯಿಸಿದರು. ಆ ಶವ ಗೌರೀಶನದು ಎಂದು ಕುಟುಂಬದವರು ಖಚಿತಪಡಿಸಿದರು. ಮಗನ ಸಾವಿನ ಬಗ್ಗೆ ಗೋವಿಂದ ಗುನಗಿ ಕಾರವಾರ ಗ್ರಾಮೀಣ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದರು.